شعرك والكيراتين... الحقيقة فين؟
بنسمع كتير عن الكيراتين ودايماً فى دماغنا انه مادة بتتحط على الشعر بتفرده وبعدها الشعر بيبوظ طب سؤال هنا… هو ايه ده اصلاً وليه بيفرد شعرنا وايه اللى بيحصل بعد كدة ؟
تعالو هنفهم واحدة واحدة
ايه هو الكيراتين؟
الكيراتين هو بروتين موجود اصلاً فى جسمنا وبالذات فى الشعر والجلد وظيفته انه يحمى الانسجة اللى بيغطيها يعني يحمى الجلد من المواد الكيميائية الضارة او البكتيريا… وكمان هو اللي بيكون لب الشعرة علشان تديها القوة والنعومة واللمعان والمنظر الصحى
نفهم من كده ايه؟
نفهم من كدة ان الشعر لما بيكون تالف او متقصف يبقى فى خلل فى بروتين الكيراتين؟ الإجابة ايوة… لان كتر المعالجات الحرارية زي البيبي ليس والاستشوار بتسبب تأكل في طبقة الحماية الخارجية للشعرة.. وتدريجيا بتسبب تأكل لب الشعرة… يعني الكيراتين
منتجات فيها كيراتين؟
هنا يجي دور المنتجات اللي بتحتوي على الكيراتين والبروتين…. لان الكيراتين الموجود في المنتجات دي بيبدأ يتغلغل داخل لب الشعرة علشان يقويها ويعوضها عن الكيراتين اللي فقدته… وده طبعا بيرجع تاني للشعرة الحيوية بتاعتها ويخليها تاني ناعمة من غير تلف وتقصف
الكيراتين والبروتين مش بس بيزودوا قوة الشعرة… لأ… دول كمان بيغلفوا الشعرة بطبقات حماية علشان ترجعلها اللمعة الطبيعية وتمنع جفافها وكمان يحميها من زيادة التلف
هل في فرق بين فرد الكيراتين وبين منتجات للشعر بالكيراتين؟
طبعا في فرق كبير… فرد الشعر بالكيراتين ممكن يكون ليه اضرار لانه بيحتاج مادة غير صحية اسمها الفورمالديهايد او الفورمالين ده غير الحرارة الشديدة اللازمة لتثبيت فرد الشعر واللي بيتلف الشعر
اما الشامبو او الكريم او الماسك المعزز بالكيراتين وواللي مش بيحتاج حرارة معاه بيساعد في تقوية الشعر لانه بيقوى الشعر وبيعوضه عن الكيراتين المفقود…. فبيرجع للشعر نعومته الطبيعية ومظهره الصحي ومن غير ما اتلف الشعر من الداخل
علشان كده تقدرى تعتمدي بآمان على منتجات العناية اليومية بالشعر المحتوية على الكيراتين او الكيراتين مع الكولاجين لانها هتفيدك ومش هتضر شعر
شعرك وبشرتك محتاجين انك تهتمى بيهم… ابحثي دايما عن المنتجات اللى مفيهاش مواد كيميائية ضارة علشان شعرك وبشرتك يفضلوا شباب… شاركونا رأيكم ولو عندكم اى استفسار عن الشعر او البشرة اكتبولنا وهنرد عليكم
هنستنى مشاركتكم
EN 
AR 